9 მოქმედება

untitled tbilisi — ხელოვნებისა და საზოგადოებრივი ორგანიზაციაა, რომელიც აერთიანებს სამხრეთ კავკასიის ხელოვანებსა და სახელოვნებო აქტივისტებს ქალების, ქვიარებისა და სხვა მარგინალიზებული ჯგუფების კულტურული და უფლებრივი მდგომარეობის გაძლიერებისთვის — როგორც რეგიონში, ასევე საერთაშორისო სახელოვნებო პროექტების მეშვეობით.

ორგანიზაცია დაარსდა თბილისში, 2019 წლის დასაწყისში, და მიზნად ისახავს სოციალური გავლენის მოხდენას სამხრეთ კავკასიის ხმების შეკრების გზით.

untitled tbilisi ახორციელებს ფესტივალებს, გამოფენებს, პერფორმანსებს, კინოჩვენებებს, ხელოვანებთან საუბრებს, მრგვალ მაგიდებს, ქსელურ შეხვედრებს, ასევე მრავალ საგანმანათლებლო და კულტურულ აქტივობას, რომლებიც მიზნად ისახავს ადამიანის უფლებების ხელშეწყობას, ცნობიერების ამაღლებასა და რეგიონში ქალების, ქვიარ ადამიანებისა და სხვა საფრთხის ქვეშ მყოფი ჯგუფების მხარდაჭერას.

2024 წელს untitled tbilisi-მა დააარსა THE BLUE OF HIGH ZENITHS — პერფორმანსული ხელოვნების ფესტივალი, რომელიც აერთიანებს კავკასიისა და მეზობელი ქვეყნების პერფორმანს ხელოვანებს, რათა ერთად იმსჯელონ ქვიარ მომავლის თემაზე და გამოიკვლიონ ტრანსნაციონალური და დეკოლონიური საზოგადოების მშენებლობის ტაქტიკები. ფესტივალის მეორე, განსაკუთრებით წარმატებული გამოშვება 2025 წლის მაისში, ერევანში, სომხეთში გაიმართა.

2024 წელს untitled tbilisi-მ აგრეთვე დააფუძნა პლატფორმა IN THE MOUNTAINS, რომელმაც პირველივე წელს სამხრეთ კავკასიიდან რვა ქვიარ და ფემინისტი ხელოვანისთვის განახორციელა 3-თვიანი შერეული ფორმატის რეზიდენცია, გამართა მასშტაბური ფესტივალი ბერლინში და მოაწყო საგანგებო კონფერენცია თბილისში.

თეატრის სამხატვრო ხელმძღვანელი  -  საბრინა ბელენზიერ / გიორგი როდიონოვი

თეატრის დირექტორი -  საბრინა ბელენზიერ / გიორგი როდიონოვი

საკონტაქტო ინფორმაცია:

ელ-ფოსტა: info@untitledtbilisi.com 

ტელ:   +995599250216