მარინე (მაკა) ვასაძე

ხელოვნებათმცოდნეობის დოქტორი, თეატროლოგი, სათეატრო კრიტიკოსთა საერთაშორისო ასოციაციის წევრი, ქართული სექციის მდივანი (IATC/AICT).
დაამთავრა საქართველოს შოთა რუსთაველის თეატრისა და კინოს სახელმწიფო უნივერსიტეტი.
2015 მიიღო ხელოვნებათმცოდნეობის დოქტორის ხარისხი.
არის საქართველოს შოთა რუსთაველის თეატრისა და კინოს სახელმწიფო უნივერსიტეტის ასოცირებული პროფესორი, ამავე უნივერსიტეტის მსოფლიო თეატრის ისტორიის მიმართულების ხელმძღვანელი. კითხულობს ლექციების კურსს მსოფლიო თეატრის ისტორიაში, ასევე თეატრის კრიტიკასა და თეორიაში.
2007 წლიდან დღემდე საქართველოს შოთა რუსთაველის თეატრისა და კინოს სახელმწიფო უნივერსიტეტის გამომცემლობა „კენტავრის“ დირექტორი;
2005 წ-დან დღემდე საქართველოს თეატრის, კულტურისა და ხელოვნების მოღვაწეთა რეგისტრირებული კავშირის „კულტურა“ დამფუძნებელი და თავმჯდომარე;
2005-2009 წ. წ. დამფუძნებელი და რედაქტორი გაზეთის „კულტურა“;
სისტემატურად აქვეყნებდა და აქვეყნებს სტატიებს, წერილებს, რეცენზიებს თანამედროვე თეატრალურ პროცესებზე და პრობლემებზე საერთაშორისო და ქართულ ჟურნალებსა და გაზეთებში. არის რამდენიმე მონოგრაფიის, სახელმძღვანელოს, დამხმარე სახელმძღვანელოს ავტორი, რედაქტორი, შემდგენელ-რედაქტორი. აქვეყნებს სტატიებს scopus-ის მქონე სამეცნიერო ჟურნალებში და ელექტრონულ ჟურნალებში (ინდოეთი, რუმინეთი, გერმანია). 2024-2025 წლებში გამოაქვეყანა სტატიები “Critical Stage” და „Deutsche internationale Zeitschrift für zeitgenössische Wissenschaft“. 2025 წელს მონაწილეობდა რუმინეთში სიბიუს საერთაშორისო ფესტივალის ფარგლებში გამართულ კონფერენციაში - International Platform of Doctoral Research in the Fields of Performing Arts and Cultural Management. 2026 წელს კრაიოვაში შექსპირის საერთაშორისო ფესტივალის ფარგლებში IATC/AICT მიერ მოწყობილი კონგრესის დელეგატი და საერთაშორისო კონფერენციის - Is Shakespeare Still our Contemporary? Rethinking the Bard in a World he Never Imagined - მომხსენებელი.
ხშირად იწვევენ საქართველოსა და უცხოეთის სათეატრო ფესტივალების ჟიურის და კომისიის წევრად.
2022 წელს დაჯილდოვდა საქართველოს თეატრალური საზოგადოების ყოველწლიური კონკურსის პრიზით ნომინაციაში წლის საუკეთესო რეცენზია.
2024 წელს საქართველოს თეატრალური საზოგადოების მიერ დაჯილდოვდა ვალერიან გუნიას სახელობის პრემიით წიგნისთვის - რობერტ სტურუას სათეატრო ენის სემიოტიკა.